ಕವಿತೆ :ಡಾ.ಪ್ರಕಾಶ ಗ.ಖಾಡೆ

                                                              ಅದಕಂದರ ಬದುಕ

 - ಡಾ. ಪ್ರಕಾಶ ಗ. ಖಾಡೆ

 ಮೊಗ್ಗಿನ ಮೊದಲ ಸಣ್ಣ ಬೀಜದ ನೆವಕ

ಒಡಮೂಡಿತೊಂದ ಅಸ್ತಿತ್ವದ ಇರುವ

ಅದ ಬೆಳೆಬೆಳೆದು ದಿನಾ ಆಟೀಟ ಅನುತ

ಹೂವಾಗಿ ಬಂತ ಜಗಕ; ಅದಕಂದರ ಬದುಕ

ಹೊಸಾ ಚೆಲುವಿಕಿ ಕಂಡವರ ಒಲವಿಕಿ

ಸೇರಿ ಬೆಳೆಸಿತ ಸಂಬಂಧ

ಇರುತನಾ ಎಂಥ ಆನಂದ

ಹೂವಾಗಿ ಅರಳಿದ ವ್ಯಾಳೇಕ ಏಸೋಂದು ದುಂಬಿ ಸಾಲ

ಉಂಡವರು ಕೊಟ್ಟಿದ್ದು ಬಿಟ್ಟಿದ್ದು ಏನಿರಲಿ

ಹಂಚಿದ್ದು ಮಾತ್ರ ಜೇನು ಹಾಲಾ

ಉಳಿದೀತ ಏನ ದಿನದಿನಕ ಕೂಡಿಡಲು

ಹೆಸರ ಹೇಳಲಿಕ್ಕ ಯಾರಿಲ್ಲ ಒಂದ ಖೂನಾ

ಬಿದ್ದ ಬೀಜದ ಮೊಳಕಿ

ಮತ್ತು ಹೊಸಾ ಹಾದಿ ಹುಡುಕಿ

ಗಾಳಿದಾಳಿಗಿ ಹಾರಿ ಹಾರ್ಯಾಡಿ

ಉಳಿದ್ಹಾಂಗ ಆತ ಸುಮ್ಮಕ

ಯಾಕ ಬೇಕ ನೂಕ

ನೊಂದವರ ಹಾಡಿರಲಿ ಬೆಳಕ ಹರಿವತನಕ

                                         - ಡಾ. ಪ್ರಕಾಶ ಗ. ಖಾಡೆ